SANA SUUH EI SULA
zoom-kursu
Ligakuu 2023 – oraskuu 2024 (kaheksa
vastavundua zoomas)
Kuun jälgimäine piätenčy, 16:00 – 17:00
Moskovan aigua
Vedäi: Natalja Antonova, Karjalan Kielen
Koin ruadai
TULGUA TERVEH UVVEL KIELIKURSAL
Karjalan kielen rikkavus pohjavuu rahvahan suitettuloih tiedoloih da suusanah.
Tärgienny täs ollah eeppine perindö, rahvahan folklouru, murdehet da paginluavut.
Viizahat sananparret da sananpiät, frazeologizmat, algu-da loppuiänisovut, tarkoin
sanondoin vuottamattomat sellitykset – kai net avatah karjalazen ristikanzan muailman
nägemysty, kandurahvahan syviä kul`tuurua.
Sana suuh ei sula- kursu (kieli: livvin-//anuksenkarjala) pietäh karjalan kieldy äijäl-vähäl
maltajale rahvahale kielineron da kielespäi lähtijöin tiedoloin kazvattavakse. Opitah
availla da sanella karjalan kielen uardehii, omaluadužuttu da čomevuttu vie täl aigua
paistavan kielen pohjal.
Kursal huavatah tuvva ezile da sellitellä enimytteh käytändönpuolistu materjualua,
eläviä ezimerkii paginkielespäi. Suurin vuitti niilöi on Natalja Antonovan omas perehes
kuultuu da tallele panduu jälgimäzen viijentostu vuvven aigah.
KURSAN tiemat:
- Karjalazet sananpiät. Midä da kedä nenga sanotah?
- Algu- da loppuiänisovut – muite muis čomevus.
- Frazeologizmat: on karjalazen sanottu.
Kursan aigah on planuittu seurustelendua, yhtehisty šeikuičendua da pikkarazii
kodiruadoloi, kuuneltavua paginluaduu da mustokse otettavua materjualua.
Ilmoittelut: elektropoštači antonovannatoi@gmail.com (26.10.2023:ssah dai
myöhembigi). Kirjutakkua, olgua hyvät, oma nimi, eländykohtu da se midä yhtistäy teidy
karjalan kielenke.
Kursulinku: (lövvättö sen myös omas elektropoštas registriiruičendan jälles da verkopäivityksen
kommentois)
https://us02web.zoom.us/j/84403410809?pwd=TEVDVnZDdHJCdDhZZ3JoeFZTNVFHQT09