Karjalan Kielen Koin kazvatit muututah kezäaigah. Kielipezä ruadau vie kezäkuun loppussah, ildupäivykerhon lapset jo ollah työytyt kezälomal syvyskuussah.
Kymmeniene Vieljärven kylän lastu mennyön opastunduvuvven aigah suadih karjalankielisty kielikylyy. Karjalan Kielen Kois joga argipäivy ruadau kielipezä pienih lapsih nähte da nelli argipäiviä nedälis – ildupäivykerho kielipezän loppennuzih lapsih nähte. Kielipezä ruadau huondekses ildassah, ildupäivykerho – kolmin čuasun jälles lapsien školah käyndiä. Kuuzi Koin alallistu ruadajua pietäh hoiduo da opastundoi.
Pienembile lapsile taritah enämbäl kižuandoi, käziruandoi, pihalolendoi, tiijonkandaizii da omaničenviendyazieloi. Vahnembat lapset suahah jälles školua huogavuo dai opastuo. Heih niškoih pietäh karjalan kielen urokkoi, puuhpoltandu- da lugiendukerhuo. Tärgienny on eri-igähizien lapsien da ruavahien yhtesolendu, karjalankieline ymbäristö da yhtehizet vietot. Hiilavien syöndyveroloin valmistandu da syöndy pietelläh kaikkii yhtes suures perehes rouno.
Lapsien karjalan kieleh harjaitandu on Karjalan Kielen Kodi- yhtevyksen piälimäizii miärii.
Natalja Antonova, Karjalan Kielen Kodi
Kuvas: Karjalan Kielen Koin kazvatin Iivan Pimenovan (10 vuottu) oraskuul piirelty čomaine Kipinä- lapsien žurnualah. Brihačču huaveillou tulla tulipalomiehekse kui tuattah.